Nissan Leaf ka fituar titullin prestigjioz “World Car of the Year”, duke lënë pas kështu serinë 5 të BMW dhe Audio A8. Ky është çmimi i dyt më i rëndësishëm për automjet 100% elektrik të kompanisë Nissan, pasi që më herët ishte zgjedhur edhe si Automjeti i vitit në Europë.

“Leaf është hyrje e guximshme në një botë të re elektrike nga Nissan. Ky automjet është me 5 dyer dhe mjeti i parë në botë plotësisht elektrik i cili është gjetur në prodhim masiv. Ka autonominë e plotë të vozitjes prej 160 kilometrave me një mbushje të baterisë, kurse për mbushjen e plotë të baterisë ju duhen vetëm 8 orë. Nissan Leaf është si automjet normal, por që është shum më i qetë”, shkruan në arsyetimin e jurisë të përzgjedhjes, e përbërë nga 66 gazetarë të automobilave në Europë, Amerikën e Veriut dhe Azisë.

Nissan leaf momentalisht është në dispozicion në Japoni, SHBA, dhe disa tregje të caktuara në Europë, kurse nga viti 2012 pritet të jetë në dispozicion edhe nëpër vendet tjera./itshqip