Gmail fitoi një dizajn krejtësisht të ri i cili i ngjan dizajnit të Google+. Dizajni i ri  do të lëshohet gradualisht në muajt e ardhshëm, por Google publikoi dy lloje të temave, në dispozicion për Gmail tabs, të cilët do të shfaqen në dizajnin e ri.

“Përmes viteve shtuam opsione të panumërta për Gmail të cilën e bënë atë një vegël të fuqishme, por për atë kohë dizajni e këtij shërbimi u mbush përplot, duke e bërë atë më të ndërlikuar”, thonë nga Google.

Me temat e reja ndoshta mund të shfaqet problem tek Labs, opsione të cilat janë në fazat e testimit, sepse temat e reja mund të mos përshtaten, por kjo do të duhet të rregullohet deri sa të niset dizajni i ri për gjith përdoruesit. Google shton se faqet e reja janë dizajnuar që të shtohen opsione të reja me çka do të fiton faqja më shum informacione, varësisht nga rezulucionet e ekraneve dhe ndryshimet e përdoruesve.

Përveç Gmail edhe Google Calendar do të fiton një ridizajn i cili do të ndryshohet në ditët e ardhshme./itshqip