AMD këto ditë i shtoi familjes së saj të kartelave grafike katër kartela të reja FirePro, që ofrojnë fuqi kompjutimi grafik deri në katër teraflop.

Ky tipar mund të gjendet në W9000 e re të kësaj kompanie, që ka aftësinë prej katër TFLOP saktësie primare dhe një TFLOP saktësie dytësore me çmim diçka më pak se 4,000 dollarë.

Kjo kartelë gjigante ofron 6GB të GDDR5 RAM dhe kërkon 274 vat energji elekrike. Lloj tjetër më modest nga kjo familje është W8000, që ka tiparet e njëjta si W9000 më i përsosur, por kërkesa paksa më të ulëta, konsumon 189 vat energji elektrike dhe kushton vetëm 1,599 dollarë.

Adhuruesit e shtëpizave (dhe çmimeve) më të vogla mund të orientohen nga W7000 dhe W5000, të cilat që të dyja janë mjaft më kompakte dhe kërkojnë më pak energji për funksionim, me çmim prej 899 dhe 599 dollarësh, respektivisht.

Demonstrimin dhe tiparet e këtyre kartelave mund t’i shikoni në videon më poshtë./itshqip